Angliyaning «Liverpul» klubi sobiq himoyachisi Jeymi Karrager koronavirus pandemiyasi davrida ish haqini kamaytirishga qarshi bo‘lgani uchun "Arsenal" klubi futbolchisi Mesut O‘zilni tanqid ostiga oldi.
"Arsenal" klubining ko‘plab futbolchilari va bosh murabbiyi o‘zlarinning maoshlari kelayotgan 12 oy davomida 12,5 foizga kamaytirilishiga rozi ekanliklarini bildirgan. Bu taklifga faqatgina O‘zil va yana ikki nafar futbolchi qarshi chiqqan.
«Koronavirus klublarga jiddiy zarba berdi. Hozir har bir sent hisob-kitobli. Agar futbolchilarning o‘rnida bo‘lganimda maoshimning 50 foizga qisqartirilishiga rozi bo‘lardim. Nega? Chunki, futbolchilar boy odamlar hisoblanadi. Ularning pulga ehtiyoji yo‘q.
O‘zil o‘zining asl basharasini ko‘rsatdi. Bunday insonlarni haydash kerak», — dedi Karrager.
