Англиянинг «Ливерпуль» клуби собиқ ҳимоячиси Жейми Каррагер коронавирус пандемияси даврида иш ҳақини камайтиришга қарши бўлгани учун "Арсенал" клуби футболчиси Месут Ўзилни танқид остига олди.
"Арсенал" клубининг кўплаб футболчилари ва бош мураббийи ўзлариннинг маошлари келаётган 12 ой давомида 12,5 фоизга камайтирилишига рози эканликларини билдирган. Бу таклифга фақатгина Ўзил ва яна икки нафар футболчи қарши чиққан.
«Коронавирус клубларга жиддий зарба берди. Ҳозир ҳар бир цент ҳисоб-китобли. Агар футболчиларнинг ўрнида бўлганимда маошимнинг 50 фоизга қисқартирилишига рози бўлардим. Нега? Чунки, футболчилар бой одамлар ҳисобланади. Уларнинг пулга эҳтиёжи йўқ.
Ўзил ўзининг асл башарасини кўрсатди. Бундай инсонларни ҳайдаш керак», — деди Каррагер.
