Pioli o‘z lavozimini saqlab qolishi mumkin.
Italiyaning «Milan» klubi mavsumlar oralig‘ida bosh murabbiyni o‘zgartirish rejasidan voz kechishga tayyorgarlik ko‘rmoqda. Chunki, mavsumlar oralig‘i ma’lum sabablarga ko‘ra qisqa bo‘ladi, shuning uchun yangi murabbiy jamoada keskin o‘zgarish qila olmasligi mumkin degan taxminga kelinmoqda.
La Gazzetta dello Sport portalining tarqatgan ma’lumotiga qaraganda, bosh murabbiy Stefano Pioli jamoani yangi cho‘qqilarga olib chiqa olishga va jamoa hujumchisi Zlatan Ibragimovich bilan shartnomani uzaytirishga ishonmoqda.
Manbaning qayd etishicha, Pioli kelishi kutilgan yangi bosh murabbiy uchun yangi futbolchilar sotib olishga ajratiladigan mablag‘dan kamroq pul ishlatilishi kutilmoqda (rahbariyati jamoaga Ralf Rangnikni bosh murabbiy etib tayinlamoqchi edi).
"Milan" A Seriyaning 26-turidan keyin 36 ochko jamg‘argan holda turnir jadvalining 7-pog‘onasini band etib turibdi.
