Italiyalik murabbiyi Fabio Kapello koronavirus pandemiyasining hozirgi sharoitida futbolchilarning roli haqida fikr bildirdi.

73 yoshli mutaxassisning fikriga ko‘ra, barcha professional futbolchilar katta pul topishayotgani uchun omadli ekanliklarini tushunishlari kerak.

«Futbolchilar maoshlarining qisqartirilishiga rozi bo‘lishlari yoki bo‘lmasliklari kerakligi borasida yetarlicha bahs bo‘ldi. Men maoshlar haqida gapira olmayman, chunki bu klublarning ichki ishlari, ammo ishonchim komilki, ko‘p pul topadigan futbolchilar bu dahshatli paytda o‘zlarining omadli ekanliklarini tushunishlari kerak va yaqin insonlariga yordam berishlari kerak deb o‘ylayman.

Faqat pul haqida gapirmayapman. Gap vaqt haqida ketmoqda. Jamoatchilik orasida faol bo‘lishlari kerak. Aynan mahalliy jamoatchilik klublarni qo‘llab-quvvatlaydi va televizion to‘lovlarni amalga oshirishadi, bu esa klublarga foyda olib kelyapti, futbolchilarni esa boy qilmoqda», - Kapelloning so‘zlaridan iqtibos keltirmoqda Laureus.