Oldinroq rossiyalik MMA ustasi Habib Nurmagomedovning otasi va ustozi Abdumannop Nurmagomedovning kasalxonaga yotqizilgani haqida xabar bergandik.
Ayni damda uning ahvoli qandayligi ma’lum bo‘ldi.
TASSning yozishicha, Abdumannop Nurmagomedovning o‘zi ahvoli haqida xabar bergan.
"Men o‘zimni juda yaxshi his qilyapman, menda hammasi yaxshi", degan Nurmagomedov. Ma’lumot uchun, 57 yoshli mutaxassisning kasalxonaga yotqizilishi 25 aprel kuni ma’lum bo‘ldi. Sharhlovchi Ramazan Rabadanovning so‘zlariga ko‘ra, Nurmagomedov pnevmoniya tashxisi bilan kasalxonaga yotqizilgan. U allaqachon koronavirus sinovidan o‘tgan, natijalari yaqin orada tayyor bo‘lishi kerak. Hozircha unda koronavirusga chalinganmi, yo‘qmi, ma’lum emas.
