Myonxengladbaxning «Borussiya» klubi stadioniga muxlislarning 8 mingdan karton nusxalari o‘rnatiladi. Bu haqda jamoa Tvitter orqali xabar tarqatdi.
«8 ming buyurtma va bu raqam oshib bormoqda. O‘yinchilar va xodimlar ushbu aksiyani qo‘llab-quvvatlashdi. Agar uchrashuvlar tomoshabinlarsiz o‘tkaziladigan bo‘lsa, «Borussiya-Park» arenasida ular fanatlar yonidan o‘rin olishadi», — deyiladi tarqatilgan xabarda.
Shu tariqa, muxlislar stadionda qisman bo‘lsada atmosferani yuzaga keltirish bilan birga, klubni moliyaviy jihatdan qo‘llab-quvvatlashmoqda. Bir nafar muxlisning karton nusxasini yasash va uni stadionga o‘rnatish 19 yevro turadi.
