Мёнхенгладбахнинг «Боруссия» клуби стадионига мухлисларнинг 8 мингдан картон нусхалари ўрнатилади. Бу ҳақда жамоа Твиттер орқали хабар тарқатди.
«8 минг буюртма ва бу рақам ошиб бормоқда. Ўйинчилар ва ходимлар ушбу акцияни қўллаб-қувватлашди. Агар учрашувлар томошабинларсиз ўтказиладиган бўлса, «Боруссия-Парк» аренасида улар фанатлар ёнидан ўрин олишади», — дейилади тарқатилган хабарда.
Шу тариқа, мухлислар стадионда қисман бўлсада атмосферани юзага келтириш билан бирга, клубни молиявий жиҳатдан қўллаб-қувватлашмоқда. Бир нафар мухлиснинг картон нусхасини ясаш ва уни стадионга ўрнатиш 19 евро туради.
