«Manchester Siti» hujumchisi Serxio Aguero qayta boshlanishi kutilayotgan Angliya chempionatidan xavotir olayotganini ma’lum qildi.

«Ko‘p o‘yinchilar xavotir olishmoqda. Chunki, ularning oilasi, farzandlari va ota-onalari bor. Maydonga qaytganimizda, o‘ylashimcha, ruhiy bosim ostida va o‘ta ehtiyotkor bo‘lamiz. Kimdir o‘zini yomon his qilsa, unga nima bo‘ldi, deb o‘ylaysiz.

Aytishlaricha, kimdadir koronavirus bo‘lishi mumkinu, ammo unda simptomlari sezilmaydi, ammo u sizni zararlashi mumkin. Shuning uchun men uyda qoldim. Infeksiya yuqtirib, bu haqda xabaringiz bo‘lmasligi mumkin», - dedi Aguero.