The Mirror nashrining tarqatgan ma’lumotiga qaraganda, sobiq futbol yulduzlari - Dirk Keyt, Filipp Koku, Ronald Kuman va Xenrik Larssonlar bir bo‘lib, APLning birorta klubini sotib olish niyatida.
Ular koronavirus pandemiyasi bilan bog‘liq inqiroz narxlarning pasayishiga olib kelishini anglab turishibdi, shu sababli, yaqin vaqtlar ichida birorta klubni sotib olishni rejalashtirishmoqda.
O‘tgan yili ushbu guruh APL klublaridan birini sotib olishga yaqin kelishgandi, biroq, yakunda ushbu bitim amalga oshmay qolgandi. Wasserman Media Group rahbari, niderlandiyalik agent Rob Yansen ushbu loyihaning g‘oya egasi hisoblanadi.
- Biz kutish jarayonida turibmiz. Inqiroz sababli, bir qator klublarning narxlari pasayadi. Yaqinda bir kelishuvga juda yaqin edik. Hozir bu qaysi klub haqidaligida aytmoqchi emasman, lekin, so‘nggi vaziyatda boshqa investor bizni ortda qoldirdi. Juda alam qildi, - dedi Yansen.
