The Mirror нашрининг тарқатган маълумотига қараганда, собиқ футбол юлдузлари - Дирк Кейт, Филипп Коку, Рональд Куман ва Хенрик Ларссонлар бир бўлиб, АПЛнинг бирорта клубини сотиб олиш ниятида.
Улар коронавирус пандемияси билан боғлиқ инқироз нархларнинг пасайишига олиб келишини англаб туришибди, шу сабабли, яқин вақтлар ичида бирорта клубни сотиб олишни режалаштиришмоқда.
Ўтган йили ушбу гуруҳ АПЛ клубларидан бирини сотиб олишга яқин келишганди, бироқ, якунда ушбу битим амалга ошмай қолганди. Wasserman Media Group раҳбари, нидерландиялик агент Роб Янсен ушбу лойиҳанинг ғоя эгаси ҳисобланади.
- Биз кутиш жараёнида турибмиз. Инқироз сабабли, бир қатор клубларнинг нархлари пасаяди. Яқинда бир келишувга жуда яқин эдик. Ҳозир бу қайси клуб ҳақидалигида айтмоқчи эмасман, лекин, сўнгги вазиятда бошқа инвестор бизни ортда қолдирди. Жуда алам қилди, - деди Янсен.
