«Real» klubi «Manchester Yunayted» yarim himoyachisi Pol Pogbani qo‘lga kiritish ustida ishlamayapti.
"Marca" tarqatgan xabarga ko‘ra, "qaymoqranglilar" o‘tgan yilning yozida 27 yoshli futbolchining agenti Mino Rayola muzokara olib borishgan edi. Hozirgi paytga kelib "qirollik klubi"ning rejalari o‘zgardi.
Pogba Madridga ko‘chib o‘tish uchun o‘z maoshining (19 million yevro) kamaytirilishiga ham rozi ekanini «Real» rahbariyati biladi. Shunga qaramay, madridliklar iqtisodiy inqiroz sharoitida xarajatlarni kamaytirishga qaror qilishdi.
Manbaga ko‘ra, «Real» Pogbani qo‘lga kiritish g‘oyasidan voz kechib, o‘z e’tiborini «Renn» himoyachisi Eduardo Kamavinga va «Chelsi» yarim himoyachisi N`Golo Kantega qaratdi.
Avvalroq «Madrid» Pogba uchun 78,8 mln yevro taklif qilishga tayyor ekani haqida ma’lumot tarqatilgan edi. Fransiyalik futbolchining "MYU" bilan shartnomasi 2021 yilning yozida yakuniga yetadi.