1968 yil "Paxtakor"ning Yevropa Kubok egalari Kubogida ishtirok etishiga bir qadamgina yetmay qolgan.

Yevgeniy Yeliseev qo‘l ostida o‘ynagan jamoamiz kubok bahslarini juda yaxshi o‘tkazgan. Dastlabki bosqichda Batumida "Dinamo" bilan to‘qnash kelgan "Paxtakor" mezbonlarni 2:0 hisobida dog‘da qoldirdi. Gennadiy Krasniskiyning ikki goli g‘alabani ta’minlaydi. Nimchorak finalni jamoamiz Toshkentda o‘tkazdi. "Sokol" darvozasi oldida butun o‘yin hujum uyushtirib, Jilenkoning yagona goli evaziga g‘alaba qozonildi.

Oldinda esa "Zarya"ga qarshi safardagi chorak final bellashuvi kutardi. Murosasiz kechgan o‘yinda mezbonlardan Pinchukning goliga jamoamizdan Birodar Abduraimov va To‘lagan Isoqov javob beradi. Yarim final muxlislar bilan to‘lgan "Paxtakor" stadionida bo‘lib o‘tgan. Doneskning "Shaxtyor" jamoasi bilan to‘qnashuvda ajoyib futbol ko‘rsatgan jamoamiz Birodar Abduraimovning dubli va Bahodir Ibrohimovning goli yordamida kuchli raqib ustidan 3:1 hisobida zafar quchgan. Final 8 noyabr kuni Moskvadagi Lenin nomli stadionda Moskvaning "Torpedo" klubiga qarshi bo‘lib o‘tgan. Keskin kechgan bellashuv taqdirini birgina gol hal qilgan. Afsonaviy Strelsovning uzatmasidan so‘ng Savchenko to‘pni darvozaga yo‘llab, moskvaliklarga yutuq keltiradi. Shu tariqa "Paxtakor" finalda imkoniyatni boy beradi.

1/16 final
"Dinamo" Batumi - "Paxtakor" 0:2
Gollar: Krasniskiy 2ta.

Nimchorak final
"Paxtakor" - "Sokol" 1:0
Gol: Jilenko 73.

Chorak final
"Zarya" - "Paxtakor" 1:2
Gollar: Pinchuk - Abduraimov, Isoqov.

Yarim final
"Paxtakor" - "Shaxtyor" Donesk 3:1
Gollar: Abduraimov 2ta, Ibrohimov - Gubich.

Final
"Torpedo" Moskva - "Paxtakor" 1:0
Gol: Savchenko 52.
"Paxtakor": Lyubarsev, Dosenko, Shtern, Naumenko, Inoyatov, Rahmatullayev, Varyuxin, Bektoshev (Isoqov, 74),  Abduraimov,  Krasniskiy,  Ibrohimov.