Londonning «Arsenal» klubi sobiq futbolchisi Patrik Viyeyra jamoa bosh murabbiyi Mikel Artetaning ishlariga baho berdi.
«Arteta kelganidan so‘ng, haqiqatdan ham sezilarli darajada o‘zgargan narsa - bu jamoaning g‘ayrati bo‘ldi. Futbolchilar chindan ham ko‘proq harakat qila boshladi. Ular nafaqat klub uchun, balki murabbiy uchun ham ishlashmoqda, chunki, ular murabbiyning ishonchini oqlash uchun harakat qilishmoqda. Bu juda muhim.
Men kelajakda nima bo‘lishini aniq bilmayman. Ehtimol, bir kun kelib «Arsenal»ni boshqararman. Hozircha «Nissa» klubida ishlayotganimdan baxtiyorman va «Arsenal»ni Arteta boshqarayotganidan xursandman.
«Arsenal» mavsum yakuniga ko‘ra kuchli to‘rtlikka kirishga haqli, lekin jamoa hisobida ochkolar soni juda kam. Ular hech bo‘lmaganida Yevropa Ligasi uchun beriladigan yo‘llanmalar uchun o‘ynashlari kerak», — dedi Viyeyra.
