Angliyaning «Manchester Yunayted» klubi sobiq hujumchisi Robin van Persi Aleks Fergyuson sabab "qizil iblislar" tarkibiga ko‘chib o‘tganini tan oldi. Shuningdek, hujumchi Fergyuson jamoa bilan qay tarzda xayrlashganini esladi.
«Fergyusonning qaroridan xabar topganidan keyin shok holatiga tushib qolgandim. Chunki, men 2012 yili "MYU" bilan shartnoma imzolayotganimda u jamoa bilan yana uch yil birga ishlashini aytib o‘tgandi. Shu sababli, menda aniq taxminlar bor edi.
O‘ylaymanki, murabbiy oilasining manfaatlarini birinchi o‘ringa qo‘yganini to‘g‘ri qabul qilishimiz kerak. «Old Trafford»ga o‘tishga qaror qilgan payt murabbiyning shaxsiyati aynan men uchun hal qiluvchi omil ekanligini hisobga olgan holda, Fergyuson bilan ajralish haqida bilish men uchun juda og‘ir bo‘lgandi», — dedi Robin van Persi.
