«Atletik» hujumchisi Aris Aduris futbolchilik faoliyatini yakunladi.

39 yoshli o‘yinchi bilbaoliklarning XXI asrdagi eng yaxshi to‘purari hisoblanadi. U klub safida jami 407ta o‘yinda maydonga tushib, 172ta gol urdi.

Aduris «Atletik»ning umumiy to‘purarlari ro‘yxatida 6-o‘rinni egallab turibdi. Jamoa rekordchisi Telmo Sarra hisoblanadi — 335ta gol.

Aris 2015 yilda «Atletik» safida Ispaniya superkubogini qo‘lga kiritdi. Basklar ikkita o‘yinda iborat to‘qnashuvda «Barselona»ni mag‘lub etishgan edi (4:0, 1:1). Ushbu o‘yinlarda Bilbao jamoasining 5ta golidan 4tasini Aduris urgan bo‘lsa, birinchi uchrashuvda u "xet-trik"ga erishgan edi.

Hujumchi faoliyati davomida «Aurrera», «Burgos», «Valyadolid», «Malyorka» va «Valensiya» klublarida o‘ynagan.

Aduris faoliyatini Ispaniya kubogi finalidan keyin yakunlamoqchi edi. Ammo koronavirus pandemiyasi bilan bog‘liq vaziyat tufayli «Atletik» va «Real Sosyedad» o‘rtasidagi o‘yin keyinroqqa ko‘chirildi.