«Breshiya» hujumchisi Mario Balotelli jamoaning asosiy tarkibi bilan shug‘ullanmayapti. "La Gazzetta Dello Sport" tarqatgan xabarga ko‘ra, 29 yoshli futbolchi yoshlar jamoasi uchun mo‘ljallangan maydonda alohida shug‘ullanmoqda.

Shu kunlarda Balotelli klubning individual mashg‘ulotlariga tashrif buyurmagan va buning sababini murabbiylarga ma’lum qilmagan edi. Klub matbuot xizmati ushbu vaziyatga hozircha izoh bermadi.

Avvalroq Marioning agenti Braziliyaning «Vasko Da Gama» va Turkiyaning «Galatasaroy» klubi bilan muzokara olib borayotgani haqida ma’lumot tarqatilgan edi.

Balotelli 2019/20 yilgi mavsumda A seriya doirasida 19ta uchrashuvda maydonga tushib, 5ta gol urdi. Uning «Breshiya» bilan shartnomasi 2022 yilning yoziga qadar tuzilgan.