Londonning "Arsenal" klubi "Barselona"ga hujumchi Pyer-Emerik Obameyangni yarim himoyachi Usmon Dembele evaziga taklif qilishga tayyor, deb xabar beradi Mundo Deportivo.
"To‘pchilar" rahbariyati fransuz futbolchisi bilan bog‘liq vaziyatdan foydalanmoqchi. "Barselona" Dembeleni atigi 50 million yevro evaziga qo‘yib yuborishga tayyor. "Arsenal" esa klubdagi moliyaviy ahvol va "Barca"ning hujumkor pozisiyani kuchaytirish istagini hisobga olgan holda, shartnomasi hademay tugaydigan gabonlik hujumchini Dembelening transferiga qo‘shishga tayyor.
Ta’kidlanishicha, "Arsenal" skautlari bir necha vaqtdan beri Dembeleni kuzatib borishmoqda va klub bosh murabbiyi Mikel Arteta yosh fransuzga Premyer-ligada imkoniyat berishga tayyor.
Eslatib o‘tamiz, bir vaqtlar Dembele va Obameyang birgalikda Dortmundning "Borussiya" jamoasida o‘ynagan.
