Лондоннинг "Арсенал" клуби "Барселона"га ҳужумчи Пьер-Эмерик Обамеянгни ярим ҳимоячи Усмон Дембеле эвазига таклиф қилишга тайёр, деб хабар беради Mundo Deportivo.
"Тўпчилар" раҳбарияти француз футболчиси билан боғлиқ вазиятдан фойдаланмоқчи. "Барселона" Дембелени атиги 50 миллион евро эвазига қўйиб юборишга тайёр. "Арсенал" эса клубдаги молиявий аҳвол ва "Барcа"нинг ҳужумкор позицияни кучайтириш истагини ҳисобга олган ҳолда, шартномаси ҳадемай тугайдиган габонлик ҳужумчини Дембеленинг трансферига қўшишга тайёр.
Таъкидланишича, "Арсенал" скаутлари бир неча вақтдан бери Дембелени кузатиб боришмоқда ва клуб бош мураббийи Микел Артета ёш французга Премьер-лигада имконият беришга тайёр.
Эслатиб ўтамиз, бир вақтлар Дембеле ва Обамеянг биргаликда Дортмунднинг "Боруссия" жамоасида ўйнаган.
