Football Index tomonidan o‘tkazilgan so‘rovnoma natijasida «Liverpul» Buyuk Britaniyadagi eng sevimli futbol klubi deb topildi.

So‘rovnoma turli 16ta ko‘rsatkich bo‘yicha o‘tkazildi. Jumladan, klub menejementi, o‘yinchilar va murabbiylar, muxlislar madaniyati, an’analar, muvaffaqiyatlar, namoyish etayotgan futbolining jozibadorligi kabi ko‘rsatkichlarning jamoat tomonidan qay tarzda qabul qilinishi o‘rganildi.

Yurgen Klopp jamoasi uchun so‘rovnomada ishtirok etganlarning 8,3 foizi ovoz berishdi. «Manchester Yunayted» esa 6% ko‘rsatkich bilan 2-o‘rinni egalladi. Uchinchi pog‘onani «Chelsi» egalladi (3,1%). «Manchester Siti» va «Arsenal» (2 foizdan) kuchli beshlikka kiritildi.

Keyingi pog‘onalarni «Tottenxem» (1,8%), «Vulverxempton» (1,5%) «Nyukasl», «Everton» va «Aston Villa» (1,4% dan) band etishdi.