Football Index томонидан ўтказилган сўровнома натижасида «Ливерпуль» Буюк Британиядаги энг севимли футбол клуби деб топилди.

Сўровнома турли 16та кўрсаткич бўйича ўтказилди. Жумладан, клуб менежементи, ўйинчилар ва мураббийлар, мухлислар маданияти, анъаналар, муваффақиятлар, намойиш этаётган футболининг жозибадорлиги каби кўрсаткичларнинг жамоат томонидан қай тарзда қабул қилиниши ўрганилди.

Юрген Клопп жамоаси учун сўровномада иштирок этганларнинг 8,3 фоизи овоз беришди. «Манчестер Юнайтед» эса 6% кўрсаткич билан 2-ўринни эгаллади. Учинчи поғонани «Челси» эгаллади (3,1%). «Манчестер Сити» ва «Арсенал» (2 фоиздан) кучли бешликка киритилди.

Кейинги поғоналарни «Тоттенхэм» (1,8%), «Вулверхэмптон» (1,5%) «Ньюкасл», «Эвертон» ва «Астон Вилла» (1,4% дан) банд этишди.