Uels terma jamoasi bosh murabbiyi va Angliyaning «Manchester Yunayted» klubi sobiq futbolchisi Rayan Giggz ijarada to‘p surayotgan jamoa hujumchisi Odion Igalo haqida fikr bildirdi.
«U boshqa klubning futbolchilaridan ajralib turadi. U markaziy hujumchi, qolganlar esa qanotlarga yaqin joyda o‘ynaydi.
U asosiy tarkibda maydonga tushganida emas, balki, zahiradan maydonga tushganida jamoa o‘yinini kuchaytira oladi. Markaziy hujumchilar doim gol urishni xohlashadi, u qayerda o‘ynagan bo‘lsa, o‘sha yerda doim gol kiritishga erishgan.
Uning jamoada qolgani yaxshi bo‘ldi, chunki, Odion o‘ziga bildirilgan ishonchni oqlamoqda. U maydonga tushgach jamoaning o‘yiniga ta’sir ko‘rsatmoqda», – dedi Giggz Sky Sports bilan suhbatda.
