Уэльс терма жамоаси бош мураббийи ва Англиянинг «Манчестер Юнайтед» клуби собиқ футболчиси Райан Гиггз ижарада тўп сураётган жамоа ҳужумчиси Одион Игало ҳақида фикр билдирди.

«У бошқа клубнинг футболчиларидан ажралиб туради. У марказий ҳужумчи, қолганлар эса қанотларга яқин жойда ўйнайди.

У асосий таркибда майдонга тушганида эмас, балки, заҳирадан майдонга тушганида жамоа ўйинини кучайтира олади. Марказий ҳужумчилар доим гол уришни хоҳлашади, у қаерда ўйнаган бўлса, ўша ерда доим гол киритишга эришган.

Унинг жамоада қолгани яхши бўлди, чунки, Одион ўзига билдирилган ишончни оқламоқда. У майдонга тушгач жамоанинг ўйинига таъсир кўрсатмоқда», – деди Гиггз Sky Sports билан суҳбатда.