"Apex Insurance" sug‘urta kompaniyasi bilan navbatdagi loyiha amalga oshirildi
“Apex Insurance” sug‘urta kompaniyasi bilan homiylik shartnomasi imzolagan Professional futbol ligasi klublarga navbatdagi yengillikni yaratib beradi.
Ma’lumki, futbolchilarning maydonda jarohat olmasliklarini hech kim kafolatlay olmaydi. Shu bois, O‘zPFL so‘nggi yillarda futbolchi, murabbiy, hakam va nazoratchilarni sug‘urtalash ishlarini amalga oshirib kelmoqda.
Jumladan, joriy yigli mavsumda O‘zbekiston Professional futbol ligasi tomonidan o‘tkaziladigan Superliga, U-21, Pro-liga, Birinchi liga, ayollar Oliy ligasi, futzal Oliy ligasi musobaqalarida ishtirok etuvchi barcha sportchi (futbolchi)lar hamda ushbu musobaqalarni boshqaruvchi hakam va nazoratchilarini baxtsiz hodisalardan sug‘urta qilish aynan “Apex Insurance” tomonidan amalga oshiriladi.
Bunda “Apex Insurance” har bir futbolchiga 25 million, murabbiyga 20 million, hakam va nazoratchilarga 10 million so‘mlik sug‘urta polislarini taqdim etadi. Uning yordamida futbolchi, murabbiy, hakam va nazoratchilar ehtimoliy jarohatlar uchun moddiy ta’minotga ega bo‘ladi.
Qayd etish joiz, o‘tgan mavsum futbolchilarga 10 million so‘mlik sug‘urta polislari taqdim etilgan edi.
