Germaniya kubogining yarim final bosqichi doirasida dastlabki o‘yin bo‘lib o‘tdi.

«Bayer» safarda Germaniyaning to‘rtinchi divizioni vakili «Saarbryuken» klubiga qarshi bahs olib borib, yirik hisobda g‘alaba qozondi. Mehmonlar birinchi bo‘limda 2ta gol urishgan bo‘lsa, ikkinchi taymda hisobni yirik ko‘rinishga keltirishdi.

Shu tariqa, «Bayer» Germaniya kubogi finali yo‘llanmasini qo‘lga kiritdi. Leverkuzenliklar o‘z tarixlarida to‘rtinchi marta Kubok finaliga chiqqan bo‘lsalar, bir marta ushbu sovrinni qo‘lga kiritishgan.

Ikkinchi finalchi nomi bugun bo‘lib o‘tadigan "Bavariya" – "Ayntraxt" uchrashuvida aniq bo‘ladi.

Germaniya kubogi, yarim final
Saarbryuken – Bayer 0:3 (0:2, 0:1)
Gollar: 0:1 – 11 Diabi, 0:2 – 19 Alario, 0:3 – 58 Belarabi.
Saarbryuken – Bas, Myuller (Mendler, 68), Barilla, Shorx (Bulich, 87), Uaferro, Yenike (Froeze, 46), Perdeday (Braytenbax, 69), Says, Yakob (Ayzele, 78), Gollay, Sellner.
Bayer – Gradeski, Vayzer, Vendell, Tapsoba (Ta, 46), Bender (Dragovich, 62), Virts (Belarabi, 46), Demirbay, Paulinyo, Arangis (Palasios, 70), Diabi (Folland, 62), Alario.
Ogohlantirish: Tapsoba (7).