Janubiy Koreya chempionatining 6-turida «Seongnam» jamoasi 13 iyun, shanba kuni «Ulsan Hyonday» maydoniga safar qildi.

Teng kurashlar ostida o‘tgan uchrashuvda hisob so‘nggi daqiqalarga kelib ochildi. 88-daqiqada maydon egalarining braziliyalik legioneri Junior Negao qanotdan uzatib berilgan to‘pni darvozaga aniq yo‘llab, uchrashuv taqdirini hal qilib berdi.

Mazkur o‘yinda o‘zbekistonlik yarim himoyachi Jamshid Iskandarov to‘liq harakat qildi.

Shu tariqa «Ulsan» ochkolarini 14 taga yetkazib olgan holda musobaqa peshqadamiga aylandi. Ketma-ket ikkinchi mag‘lubiyatini qabul qilib olgan «Seongnam» esa 8 ochko bilan 4-o‘rinda qoldi.

Key-Liga, 6-tur bahsi
13 iyun, shanba
«Ulsan Hyonday» — «Seongnam» 1:0
Gol: 1:0 — 88 Negao.
«Ulsan Hyonday»: Jo Hyon U, Sol Yon U, Kim The Hvan, Jon Shin Hyon, Devidson, Byulteys, Ko Myon Jin (Li Don Kyon, 57), Shin Jin Ho (Yonsen, 71), Von Du Je, Kim In Son, Junior Negao.
«Seongnam»: Kim Yon Gvan, Chhve Ji Muk, Li Te Hvi, Yon Je Un, Chhve O Bek (Yu In Su, 90), Kim Don Hyon, Iskandarov, Li Chan Yon, Pak Su Il (An Yon Gyu, 72), Li Je Von, Yan Don Hyon (Hon Shi Hu, 75).
Ogohlantirishlar: Pak Su Il (27), Li Je Von (51), Li Chan Yon (62), Kim In Son (68).