O‘zbekiston chempionatining 4-turi doirasida Muborakda bo‘lib o‘tgan «Buxoro» va «Andijon» jamoalari o‘rtasidagi o‘yinda jangovar durang qayd etildi.

Bahsning 21-daqiqasida buxoroliklar Jasur Hakimovning goli evaziga hisobni ochishdi. Birinchi bo‘lim oxiri va ikkinchi bo‘lim boshida "Buxoro" darvozasi tomon 2ta penalti belgilandi. Har ikkala "standart"ni Jamshid Hasanov aniq amalga oshirib, andijonliklarni oldinga olib chiqdi.

Ikkinchi bo‘limga qo‘shib berilgan 4-daqiqa tugashiga 1-2 soniya qolganida Behruz Sa’dulloyev hisobni tenglashtiruvchi gol muallifiga aylandi.

Natijada "Buxoro" mavsumdagi dastlabki, "Andijon" esa ikkinchi ochkoni qo‘lga kiritdi.

Superliga, 4-tur.
«Buxoro» - «Andijon» - 2:2 (1:1)
Gollar: Jasur Hakimov (21), Behruz Sa’dulloyev (90+4) — Jamshid Hasanov (44-penalti, 54-penalti)
“Buxoro”: Shoxjahon Nasimov, Mirjalol Jumayev, Suhrob Ne’matov, Jasur Hakimov, Jasur Hasanov, Behruz Shodmonov, Abror Husinov, Ergash Ismoilov, Azizbek Amonov, Bobur Farhodov, Izattilla Abdullayev.
Zaxira: Sardor Qobiljonov, Bobir Amonov, Zoxir Pirimov, Bexruz Sadilloyev, Begzod Saidov, Abbos Jumanqulov, Shaxzod Beshimov, Javohir Shodmonov, Solibek Karimov.
“Andijon”: Aslanbek Ahrorov, Azamat Isroilov, Farhod Mirahmatov, Xushnudbek Avilov, Jamshid Hasanov, Farhod Bekmuratov, Artyom Litvyakov, Ibe Okoro, Abdulloh Olimov, Usmonali Ismonaliyev, Dmitro Zozulya.
Zaxira: Islombek Abdullayev, Baxtiyor Qosimov, Emmanuel Arivachukvu, Siroj Meliyev, Timur Usmanov, Qahramon Bahodirov, Muhammad Yuldashev, Doniyor Abdumannopov, Jahongir Abdumo‘minov.
Hakamlar: Asker Najafaliyev, Timur Galeev, Doniyor Saylavov, Sanjar Nazarov.
Uchrashuv nazoratchisi: Bobur Haydarov,
O‘zPFL vakili: Erkin Baxtiyorov