Angliya chempionatining 31-turi doirasida «Liverpul» o‘z uyida «Kristal Pelas»ni qabul qilib, raqibga hech qanday imkoniyat qoldirmadi.

Dastlab Trent jarimadan ajoyib zarba yo‘llab hisobni ochgan bo‘lsa, taym so‘ngida Fabinyo tomonidan yetkazilgan uzatma natijasida Muhammad Saloh yakkama-yakka vaziyatga chiqib, hisobdagi farqni oshirdi.

Klopp jamoasi ikkinchi bo‘limda ham hujum qilishda davom etdi hamda "burgutlar" darvozasiga yana 2 marta yo‘l topdi.

Ushbu g‘alabadan keyin «Liverpul» o‘z ochkolarini 86taga yetkazdi. Navbatdagi g‘alaba yoki "Siti"ning ochko yo‘qotishi mersisaydliklarni chempionga aylantiradi. "Manchester Siti" bugun Londonda "Chelsi" mehmoni bo‘ladi.

APL, 31-tur
Liverpul – Kristal Pelas 4:0 (2:0, 2:0)
Gollar: 1:0 – 23 Aleksander-Arnold, 2:0 – 44 Saloh, 3:0 – 55 Fabinyo, 4:0 – 69 Mane.
Liverpul – Alisson, Aleksander-Arnold (Uilyams, 74), Gomes, van Deyk, Robertson (Elliot, 84), Xenderson (Oksleyd-CHemberlen, 64), Fabinyo, Veynaldum, Saloh, Firmino (Minamino, 74), Mane (Keyta, 84).
Kristal Pelas – Xennessi, Uord, Keyxill, Sako, van Anxolt, Makkarti, Taunsend, Kuyate (Milivoyevich, 66), Makartur (Ridevald, 66), Zaa (Mayer, 15), Ayyu (Pyerrik, 84).