Англия чемпионатининг 31-тури доирасида «Ливерпуль» ўз уйида «Кристал Пэлас»ни қабул қилиб, рақибга ҳеч қандай имконият қолдирмади.

Дастлаб Трент жаримадан ажойиб зарба йўллаб ҳисобни очган бўлса, тайм сўнгида Фабиньо томонидан етказилган узатма натижасида Муҳаммад Салоҳ яккама-якка вазиятга чиқиб, ҳисобдаги фарқни оширди.

Клопп жамоаси иккинчи бўлимда ҳам ҳужум қилишда давом этди ҳамда "бургутлар" дарвозасига яна 2 марта йўл топди.

Ушбу ғалабадан кейин «Ливерпуль» ўз очколарини 86тага етказди. Навбатдаги ғалаба ёки "Сити"нинг очко йўқотиши мерсисайдликларни чемпионга айлантиради. "Манчестер Сити" бугун Лондонда "Челси" меҳмони бўлади.

АПЛ, 31-тур
Ливерпуль – Кристал Пэлас 4:0 (2:0, 2:0)
Голлар: 1:0 – 23 Александер-Арнолд, 2:0 – 44 Салоҳ, 3:0 – 55 Фабиньо, 4:0 – 69 Мане.
Ливерпуль – Алиссон, Александер-Арнолд (Уильямс, 74), Гомес, ван Дейк, Робертсон (Эллиот, 84), Хендерсон (Окслейд-Чемберлен, 64), Фабиньо, Вейналдум, Салоҳ, Фирмино (Минамино, 74), Мане (Кейта, 84).
Кристал Пэлас – Хеннесси, Уорд, Кэйхилл, Сако, ван Анхолт, Маккарти, Таунсенд, Куяте (Миливоевич, 66), Макартур (Ридевалд, 66), Заа (Майер, 15), Айю (Пьеррик, 84).