Hozirgina “Liverpul” jamoasi uzoq kutilgan chempionlikni qo‘lga kiritdi. Jamoa bosh murabbiyi Yurgen Klopp esa juda ta’sirli video murojaat bilan chiqdi va klub muxlislarini chempionlik bilan tabrikladi. Klub rasmiy sayti esa, oldindan tayyorlab qo‘yilgan viderolikni va Yurgenning so‘zlarini o‘z rasmiy saytiga joylashtirdi.Stadion.uz ushbu klub muxlislarini g‘oliblik bilan tabriklaydi va nemis murabbiyining chempionlikdan so‘ng bildirgan fikrlari bilan o‘rtoqlashadi.

“Bu klub men uchun juda ko‘p narsani anglatadi. Bizning vazifamiz klub uchun ham juda ko‘p narsani anglatishdan iborat deb hisoblayman. Bu chempionlik muxlislarimiz uchun ruhan dalda bo‘lishi lozim. Shuningdek bu shunchaki chempionlik emas, bu energetika! Bu his-hayajon vulqoni! Aynan shu hislar bilangina muxlislar hayot.

Siz boshqa biror joyda “You’ll Never Walk Alone?” singari madhiyani tinglaganmisiz? Bu sayyoramizdagi eng yoqimli va eng ta’sirli qo‘shiq. Bu qo‘shiqni barcha tinglaydi, u barchaga yoqadi va uni hamma his etadi. Bu qo‘shiq yangrar ekan, eng qiyin pallada ham yolg‘iz emasligini chuqur his etasan. Barchasi meni quvontirmoqda.

Biz “Liverpul”miz! Bu juda ko‘p narsani anglatadi! Biz insonlarga quvonch ulashmog‘imiz lozim. Aynan biz futbolga bo‘lgan chanqoqlik va maksimal darajadagi kuch bilan to‘p tepishni amalda ko‘rsatishimiz lozim. Tez orada biz yana birga bo‘lamiz. Bu biz uchun o‘zgacha daqiqalar bo‘ladi. Hozircha, butun dunyoga qarata Biz – “Liverpul”miz! Biz Angliya chempionimiz deb qolaman!”