"Rostov" klubiga Rossiya chempionatining 24-turidan o‘rin olgan «Arsenal»ga qarshi o‘yinda asosiy tarkib bilan o‘ynashga ruxsat etildi.

Rostovliklar bu imkoniyatdan foydalanib, o‘z hisoblariga muhim 3 ochkoni yozib qo‘yishdi. Mezbonlar birinchi daqiqadayoq hisobni ochishga muvaffaq bo‘lishdi. Pavel Mamayev raqib posboni qaytargan to‘pni darvozaga joylab qo‘ydi.

Bahsning 17-daqiqasida Karpin shogirdlari ikkinchi to‘pni kiritishdi. Shomurodovning ideal uzatmasidan keyin Ionov bosh bilan "Arsenal" darvozasini ishg‘ol qildi.

Uchrashuvning 51-daqiqasida bu safar Chernovning uzatmasidan keyin Shomurodov bosh bilan naq "to‘qqizlik" tomon aniq zarba berdi. "Kanonirlar" posboni o‘ta qiyin zarbani qaytarishga muvaffaq bo‘ldi.

Oradan 7 daqiqa o‘tib mehmonlar hisobdagi farqni qisqartirishdi. Jarima maydoni markazi tomon berilgan uzatmani Lusenko bosh bilan darvozaga joylab qo‘ydi.

"Rostov" ushbu g‘alabani saqlab qoldi hamda 41 ochko bilan jadvalda 3-o‘ringa ko‘tarilib oldi. Shuncha ochko jamg‘argan "Krasnodar" hisobida esa 2ta zaxira o‘yini bor.

RPL, 24-tur
Rostov – Arsenal Tula 2:1 (2:0, 0:1)
Gollar: 1:0 – 1 Mamayev, 2:0 – 17 Ionov, 2:1 – 58 Lusenko.
Rostov – Pesyakov, Kozlov, Chistyakov, Osipenko, Chernov, Saplinov (Bayramyan, 67), Mamayev, Ionov (Dolgov, 88), Glebov, Zaynutdinov (Cherkes, 88), Shomurodov (Proshlyakov, 52).
Arsenal Tula – Lodigin, Xagush (Kovalev, 67), Denisov, Grigalava, Alvares (Volodko, 77), Lomoviskiy (Gorbatenko, 59), Chaushich (Kangva, 67), Lesovoy, Kostadinov, Kangva (Banda, 78), Lusenko.
Ogohlantirishlar: Denisov (10), Lesovoy (57), Glebov (62), Kozlov (66), Gorbatenko (70), Proshlyakov (76), Kovalev (77), Kangva (90).
Chetlatish: Proshlyakov (90).