"Ростов" клубига Россия чемпионатининг 24-туридан ўрин олган «Арсенал»га қарши ўйинда асосий таркиб билан ўйнашга рухсат этилди.

Ростовликлар бу имкониятдан фойдаланиб, ўз ҳисобларига муҳим 3 очкони ёзиб қўйишди. Мезбонлар биринчи дақиқадаёқ ҳисобни очишга муваффақ бўлишди. Павел Мамаев рақиб посбони қайтарган тўпни дарвозага жойлаб қўйди.

Баҳснинг 17-дақиқасида Карпин шогирдлари иккинчи тўпни киритишди. Шомуродовнинг идеал узатмасидан кейин Ионов бош билан "Арсенал" дарвозасини ишғол қилди.

Учрашувнинг 51-дақиқасида бу сафар Черновнинг узатмасидан кейин Шомуродов бош билан нақ "тўққизлик" томон аниқ зарба берди. "Канонирлар" посбони ўта қийин зарбани қайтаришга муваффақ бўлди.

Орадан 7 дақиқа ўтиб меҳмонлар ҳисобдаги фарқни қисқартиришди. Жарима майдони маркази томон берилган узатмани Луценко бош билан дарвозага жойлаб қўйди.

"Ростов" ушбу ғалабани сақлаб қолди ҳамда 41 очко билан жадвалда 3-ўринга кўтарилиб олди. Шунча очко жамғарган "Краснодар" ҳисобида эса 2та захира ўйини бор.

РПЛ, 24-тур
Ростов – Арсенал Тула 2:1 (2:0, 0:1)
Голлар: 1:0 – 1 Мамаев, 2:0 – 17 Ионов, 2:1 – 58 Луценко.
Ростов – Песьяков, Козлов, Чистяков, Осипенко, Чернов, Саплинов (Байрамян, 67), Мамаев, Ионов (Долгов, 88), Глебов, Зайнутдинов (Черкес, 88), Шомуродов (Прошляков, 52).
Арсенал Тула – Лодыгин, Хагуш (Ковалев, 67), Денисов, Григалава, Альварес (Володько, 77), Ломовицкий (Горбатенко, 59), Чаушич (Кангва, 67), Лесовой, Костадинов, Кангва (Банда, 78), Луценко.
Огоҳлантиришлар: Денисов (10), Лесовой (57), Глебов (62), Козлов (66), Горбатенко (70), Прошляков (76), Ковалев (77), Кангва (90).
Четлатиш: Прошляков (90).