«Buxoro» jamoasi bosh murabbiyi Muhsin Muhammadiyev «Metallurg»ga qarshi kechgan uchrashuvdan so‘ng o‘z fikrlarini bildirib o‘tdi.

"To‘g‘risini aytsam, bunday yirik hisobda mag‘lub bo‘lish og‘ir botadi. Birinchi bo‘limda o‘yin ancha yaxshi kechdi, lekin ikkinchi bo‘limdagi penaltidan keyin jamoamiz o‘yini izidan chiqib ketdi. Afsuski, shunaqasi ham bo‘lib turadi.

Hamma mas’uliyatni o‘z bo‘ynimga olaman. Hisob o‘yinga mos emas. Penaltidan so‘ng, o‘yinni qo‘yib yuborib, faqat oldinga qarab harakat qildik. Juda ham alam qilyapti, bugun omad bizdan yuz o‘girdi. Yana bir bor qaytaraman, bosh murabbiy sifatida bugungi natija uchun mas’uliyatni o‘z bo‘ynimga olaman. Hammaga rahmat", — dedi Muhammadiyev.