Italiya chempionatining 32-turi doirasida «Yuventus» o‘z maydonida «Atalanta»ni qabul qilib, mag‘lubiyatdan qutulib qoldi.

Bergamoliklar birinchi bo‘limda har tomonlama ustunlik qilishdi va haqli ravishda hisobda oldinga o‘tib olishdi. Bahsning 16-daqiqasida Sapata-Gomes bir-birlarini yaxshi tushunib harakat qilishi natijasida Duvan jarima maydoniga kirdi va aniq zarba bilan hisobni ochdi.

"Yuventus" esa ikkinchi bo‘limni faol boshladi va penalti ishladi. Dibala uzatma berganidan so‘ng to‘p yaqin masofada turgan De Roonning qo‘liga tegdi. Krishtianu 11 metrli jarima zarbasidan samarali foydalandi — 1:1.

Goldan keyin ustunlik turinliklar tomoniga o‘tdi, ammo mehmonlar bosh murabbiy o‘yin so‘ngida o‘yinchi almashtirish orqali tashabbusni yana o‘z tomoniga og‘dirdi. Natijada bahsning 80-daqiqasida Malinovskiy 15 metrlardan kuchli zarba berib, yana "Atalanta"ni oldinga olib chiqdi.

Uchrashuvning so‘nggi daqiqasida esa to‘p yana bergamoliklar jarima maydoni ichida himoyachining qo‘liga tegdi. Yana penalti, yana Ronaldu va yana gol.

Shu tariqa, "Yuventus" mag‘lubiyatdan qutulib qoldi va o‘z uchun muhim bo‘lgan 1 ochkoni qo‘lga kiritdi. Sarri jamoasi 2-o‘rindagi "Lasio" bilan farqni 8 ochkoga yetkazdi. "Atalanta" esa 2-o‘ringa ko‘tarilib olish imkoniyatini qo‘ldan chiqardi.

Italiya A seriyasi, 32-tur
Yuventus – Atalanta 2:2 (0:1, 2:1)
Gollar: 0:1 – 16 Sapata, 1:1 – 55, penalti Ronaldu, 1:2 – 80 Malinovskiy, 2:2 – 90, penalti Ronaldu.
Yuventus – Shchensni, Bonuchchi, de Ligt, Danilo (Aleks Sandro, 57), Bentankur, Kuadrado, Rabyo, Matyuidi (Remzi, 82), Bernardeski (Duglas Kosta, 57), Dibala (Iguain, 69), Ronaldu.
Atalanta – Gollini, Xatebur, Palomino (Kaldara, 75), Gimshiti, Kastan, Gomes (Malinovskiy, 68), de Ron, Ilichich (Pashalich, 58), Froyler (Tamez, 75), Toloi, Sapata (Muriel, 68).
Ogohlantirishlar: Bernardeski (10), Kuadrado (29), Pashalich (61), Rabyo (73), Xatebur (88).