Rossiya chempionatida mavsum yakunlandi. So‘nggi 30-tur o‘yinlaridan so‘ng qaysi jamoalar yevrokuboklarda qatnashishi, kimlar chempionatni tark etishi aniq bo‘ldi.
Chempiona "Zenit" va vise-chempion "Lokomotiv" YECHL guruh bosqichiga yo‘llanma olgan bo‘lsa, "Krasnodar" YECHL guruh bosqichiga chiqish uchun saralashda qatnashadi.
SSKA YECHL uchun kurashda "Krasnodar"ga imkoniyatni boy berib, 4-o‘rinda qoldi va Yevropa Ligasini guruh bosqichidan boshlaydigan bo‘ldi. "Rostov" ham Yevropa Ligasida o‘ynaydi, biroq saralash bosqichidan. Kubok finalidagi natija Shomurodov jamoasi YELni qaysi saralash bosqichidan boshlashiga oydinlik kiritadi.
Ma’lumot uchun, "Orenburg" va "Krilya Sovetov" jamoalari Rossiya Premyer-Ligasini tark etdi.
RPL. 30-tur
Krasnodar – Axmat 4:0
Gollar: Berg (43, 62), Kabella (54), Vanderson (58).
SSKA – Tambov 2:0
Gollar: Shennikov (26), Oblyakov (78).
Rostov – Zenit 1:2
Gollar: Zayniddinov (18) – Rigoni (72), Azmun (75).
Rubin – Spartak 1:2
Gollar: Ignatyev (44, penalti) – Bakayev (40, penalti), Larsson (71, penalti).
Ural – Lokomotiv 0:1
Gol: Miranchuk (45).
Dinamo – Orenburg 0:1
Gol: Fameye (29).
Ufa – Arsenal 0:0
Krilya Sovetov – Sochi 3:0
("Sochi" futbolchilariga koronavirus aniqlangani sabab jamoaga texnik mahlubiyat yozildi).
