«Napoli» klubi Italiya kubogida g‘olib chiqqani uchun Yevropa ligasi yo‘llanmasini qo‘lga kiritib bo‘lgan. Jamoada Yevropa chempionlar ligasi yo‘llanmasi uchun kurashish imkoniyati qolmagan. Shu bois bo‘lsa kerak, Gattuzo shogirdlari so‘nggi turlarni barqaror o‘tkaza olmayapti.

Neapolliklar bugun «Parma» mehmoni bo‘lib, imkoniyatni boy berishdi. Uchrashuvda 3ta penalti belgilandi — 2tasi mehmonlar, 1tasi mezbonlar darvozasi tomon. Futbolchilar ulardan samarali foydalanishdi. Natijada «Parma» 2:1 hisobida g‘alaba qozondi.

«Napoli» esa mazkur mag‘lubiyatdan keyin 7-o‘ringa tushib qoldi.  

Italiya chempionati, 35-tur
Parma – Napoli 2:1 (1:0)
Gollar: 1:0 – 45, penalti Kaprari, 1:1 – 54, penalti InsinYE, 2:1 – 87, penalti Kulusevski.
Parma – Sepe, Dermaku, Pessella, Darmian, Brunu Alvesh, Kaprari (Jervinyo, 75), Kurtich (Yakoponi, 75), Karamo (Ingleze, 62), Brugman, Siligardi (Kulusevski, 59), Grassi (Barilla, 62).
Napoli – Meret, Mariu Ruy, Maksimovich, Kulibali, Di Lorenso, InsinYE, Allan (Elmaz, 65), Losano (Yunes, 85), Demme (Lobotka, 85), Politano (Kalyexon, 65), Fabian Ruis (Zelinski, 77).
Ogohlantirishlar: Losano (35), Grassi (52), Brugman (90), Yakoponi (90).