«Наполи» клуби Италия кубогида ғолиб чиққани учун Европа лигаси йўлланмасини қўлга киритиб бўлган. Жамоада Европа чемпионлар лигаси йўлланмаси учун курашиш имконияти қолмаган. Шу боис бўлса керак, Гаттузо шогирдлари сўнгги турларни барқарор ўтказа олмаяпти.

Неаполликлар бугун «Парма» меҳмони бўлиб, имкониятни бой беришди. Учрашувда 3та пенальти белгиланди — 2таси меҳмонлар, 1таси мезбонлар дарвозаси томон. Футболчилар улардан самарали фойдаланишди. Натижада «Парма» 2:1 ҳисобида ғалаба қозонди.

«Наполи» эса мазкур мағлубиятдан кейин 7-ўринга тушиб қолди.  

Италия чемпионати, 35-тур
Парма – Наполи 2:1 (1:0)
Голлар: 1:0 – 45, пенальти Капрари, 1:1 – 54, пенальти Инсинье, 2:1 – 87, пенальти Кулусевски.
Парма – Сепе, Дермаку, Пеццелла, Дармиан, Бруну Алвеш, Капрари (Жервиньо, 75), Куртич (Якопони, 75), Карамо (Инглезе, 62), Бругман, Силигарди (Кулусевски, 59), Грасси (Барилла, 62).
Наполи – Мерет, Мариу Руй, Максимович, Кулибали, Ди Лоренцо, Инсинье, Аллан (Элмаз, 65), Лосано (Юнес, 85), Демме (Лоботка, 85), Политано (Кальехон, 65), Фабиан Руис (Зелиньски, 77).
Огоҳлантиришлар: Лосано (35), Грасси (52), Бругман (90), Якопони (90).