«Manchester Yunayted» va «Inter» klublari yozgi transfer paytida o‘zaro o‘yinchi almashishi mumkin.
"Neradzurri" hozirgi paytda ijara asosida o‘ynayotgan Aleksis Sanchesni o‘z safida olib qolmoqchi. Buning evaziga «Inter» mankunianliklarga Ivan Perishichni taklif etmoqda.
Xorvatiyalik futbolchi joriy mavsumni ijara asosida «Bavariya»da o‘tkazmoqda, ammo myunxenliklar uning transferini sotib olmaslikka qaror qilishdi. Boz ustiga, Pereshich «Inter» bosh murabbiyi Antonio Kontening keyingi rejalaridan o‘rin olmagan.
Transfermarkt Perishichni 17,5 million yevro, Sanchesni esa 16 million yevroga baholagan.