«Real» hujumchisi Karim Benzema o‘zining "YouTube"dagi kanali orqali muxlislar bilan suhbatda bir nechta qitmir savollarga javob berdi.

— Sen bilan birga o‘ynagan eng yaxshi futbolchi?
— Bunga javob berish qiyin. Men Krishtianu, Kaka, Raul, Ramos bilan birga o‘ynaganman. Ulardan birini tanlay olmayman.

— «Oltin to‘p» haqida o‘ylaysanmi?
— Albatta, doimo, yoshligimdan buyon. Lekin buning uchun har kuni kuyib-pishmayman.

— Sevimli 11 nafar futbolching?
— «Real» tarkibi.

— Jahonning eng kuchli 3 futbolchisi?
— Bilmadim, chunki futbol juda tez rivojlanmoqda. Butun mavsum davomida juda yaxshi o‘ynab, yakunda jamoang bilan sovrin qo‘lga kiritishing kerak.

— Chempionlar ligasidagi 4ta sovrinni Jahon chempionligiga almashtirgan bo‘larmiding?
— Yo‘q, hech qachon.

— Sen to‘qnash kelgan eng yaxshi himoyachi?
— Ramos va Varan. Men ularga qarshi har bir mashg‘ulotda o‘ynayman.

— Kim bilan birga o‘ynashni istarding?
— Ronaldo va Zidan.

— Jahonning eng kuchli 5 nafar dribling ustalari?
— Neymar. Shuni o‘zi yetarli, boshqasi kerakmas.