Ushbu ruknimizdagi eng so‘nggi yangiliklar bilan tanishtirishda davom etamiz.

“Real” yangi Ramos izlamoqda

Madridning “Real” klubi kelajakda Serhio Ramosning o‘rnini to‘ldirisha qodir yosh va iqtidorli himoyachi izlashga tushib ketdi.

“Diario AS” nashrining ma’lum qilishicha, “Real” “Monako” himoyachisi Benua Badiashileni nishonga olgan.

Manbaning ma’lum qilishicha, himoyachi bilan shuningdek “Manchester Yunayted” va “Roma” klublari ham qiziqib qolgan.

SSKA uni ortga qaytarmoqchi

Moskvaning SSKA klubi “Udineze” sharafini himoya qilayotgan Rodrigo Bekaoni ortga qaytarish borasida bosh qotirmoqda.

Italiya nashrlarining ma’lum qilishicha, “armiyachilar” allaqachon “Udineze” bilan muzokaralarni boshlab yuborgan va Bekao uchun 8 million taklif qilgan.

Ma’lumotlarga qaraganda, “Udineze” o‘z himoyachisini 10 milliondan kamiga sotmoqchi emas.

“Manchester Yunayted” himoyachi izlamoqda

Angliyaning “Manchester Yunayted” jamoasi tez orada yangi himoyachi bilan shartnoma imzolashi mumkin.

ESPNnashrining ma’lum qilishicha, jamoa nishonida “Aston Villa” himoyachisi Tayron Mingz turibdi.

Manbaning ma’lum qilishicha, Sulsher klub rahbarlaridan kamida 4 ta top darajadagi futbolchining transferini talab qilmoqda.

Kuzev Ispaniyada?!

Rossiyaning “Zenit” klubi yarim himoyachisi Daler Kuzyayev ertaga erkin agentga aylanadi.

Rus nashrlarining ma’lum qilishicha, 27 yoshli futbolchi Ispaniyaning “Valensiya” klubi bilan muzokaralar olib bormoqda.

Eslatib o‘tamiz, Daler ushbu mavsumda RPLning 18 ta o‘yinida maydonga tushdi va o‘z hisobiga 2 ta assistni yozdirib qo‘ydi.

Barselona futbolchisi “Vest Hem”da?!

Kataloniyaning “Barselona” jamoasi hujumchisi Martin Bretuyeyt faoliyatini APLda davom ettirishi mumkin.

“Mundo Deportivo” nashrining ma’lum qilishicha, “bolg‘achilar” daniyalik hujumchining transferi uchun 16 million fung ajratishni reja qilmoqda.

Manbada yozilishicha, Martinning o‘zi Suares asosiy tarkibga qaytgach, klubda qolishdan ma’ni yo‘q deb hisoblamoqda.