Ушбу рукнимиздаги энг сўнгги янгиликлар билан таништиришда давом этамиз.

“Реал” янги Рамос изламоқда

Мадриднинг “Реал” клуби келажакда Серҳио Рамоснинг ўрнини тўлдириша қодир ёш ва иқтидорли ҳимоячи излашга тушиб кетди.

“Diario AS” нашрининг маълум қилишича, “Реал” “Монако” ҳимоячиси Бенуа Бадиашилени нишонга олган.

Манбанинг маълум қилишича, ҳимоячи билан шунингдек “Манчестер Юнайтед” ва “Рома” клублари ҳам қизиқиб қолган.

ЦСКA уни ортга қайтармоқчи

Москванинг ЦСКA клуби “Удинезе” шарафини ҳимоя қилаётган Родриго Бекаони ортга қайтариш борасида бош қотирмоқда.

Италия нашрларининг маълум қилишича, “армиячилар” аллақачон “Удинезе” билан музокараларни бошлаб юборган ва Бекао учун 8 миллион таклиф қилган.

Маълумотларга қараганда, “Удинезе” ўз ҳимоячисини 10 миллиондан камига сотмоқчи эмас.

“Манчестер Юнайтед” ҳимоячи изламоқда

Aнглиянинг “Манчестер Юнайтед” жамоаси тез орада янги ҳимоячи билан шартнома имзолаши мумкин.

ESPNнашрининг маълум қилишича, жамоа нишонида “Aстон Вилла” ҳимоячиси Тайрон Мингз турибди.

Манбанинг маълум қилишича, Сулшер клуб раҳбарларидан камида 4 та топ даражадаги футболчининг трансферини талаб қилмоқда.

Кузев Испанияда?!

Россиянинг “Зенит” клуби ярим ҳимоячиси Далер Кузяев эртага эркин агентга айланади.

Рус нашрларининг маълум қилишича, 27 ёшли футболчи Испаниянинг “Валенсия” клуби билан музокаралар олиб бормоқда.

Эслатиб ўтамиз, Далер ушбу мавсумда РПЛнинг 18 та ўйинида майдонга тушди ва ўз ҳисобига 2 та ассистни ёздириб қўйди.

Барселона футболчиси “Вест Ҳем”да?!

Каталониянинг “Барселона” жамоаси ҳужумчиси Мартин Бретуейт фаолиятини AПЛда давом эттириши мумкин.

“Mundo Deportivo” нашрининг маълум қилишича, “болғачилар” даниялик ҳужумчининг трансфери учун 16 миллион фунг ажратишни режа қилмоқда.

Манбада ёзилишича, Мартиннинг ўзи Суарес асосий таркибга қайтгач, клубда қолишдан маъни йўқ деб ҳисобламоқда.