"Manchester Yunayted" klubi sobiq hujumchisi Ueyn Runi 2009 va 2011 yilgi Yevropa chempionlar ligasi final o‘yinlarini yodga oldi. O‘shanda mankunianliklar "Barselona"ga imkoniyatni boy berishgan edi.

"Real" kabi klublar uchun "raqibga to‘pni beramiz", degan fikrda maydonga chiqish hamisha qiyin. Xuddi shunday fikrni "Manchester Yunayted" haqida ham aytish mumkin. Lekin biz Chempionlar ligasining 2ta finalni boy berdik. Biz Gvardiola boshchiligidagi "Barselona"ga qarshi yuqori pressing taklif qildik. Bu esa o‘z joniga qasd qilish bilan baravar.

Yodimda bor, Aleks Fergyuson: "Biz – "Manchester Yunayted", shuning uchun hujum qilamiz. Bu klubimiz an’anasi", — degandi. O‘shanda men: "Bu unchalik to‘g‘ri qaror emas", deb o‘ylagandim. Boshqa o‘yinchilar ham bu to‘g‘ri qaror emasligini qalban his qilishgan edi. Axir biz 2008 yilgi yarim finalda bizga muvaffiyat keltirgan uslubdan voz kechgandik. Yakunda esa ikkala finalni ham boy berdik.

Fergyusonning klub haqidagi fikrlari — to‘g‘ri, ammo keyinchalik: "Biz yutqazib qo‘ydik", deb o‘ylab o‘tirasan. Shaxsan men uchun Chempionlar ligasida qanday uslubda o‘ynashning ahamiyati yo‘q. Muhimi, g‘alaba qozonsak bo‘lgani. Qarang, "Liverpul" o‘tgan yilga finalda qanday o‘ynadi. Nazarimda, Zidan ham xuddi shunday fikrlaydi", – deya yozdi Runi o‘zining "The Times"dagi blogida.