«Betis» himoyachisi Aissa Mandi va «Norvich» a’zosi Jamal Lyuis faoliyatini "Liverpul"da davom ettirishi mumkin.

Liverpool Echo'ning xabar berishicha, "qizillar"ning 28 yoshli jazoirlik futbolchi uchun 9 million funtlik dastlabki taklifi rad etilgan. "Betis" vakillari esa Mandini yozda qo‘yib yuborishga tayyor, ammo buning uchun "Liverpul" 10,8 mln funt to‘lashi lozim. 

Manbaga ko‘ra, "qizillar" Mandi uchun ikkinchi taklifni tayyorlamoqda. Mandi Deyan Lovrenning o‘rniga mo‘ljallanmoqda.

Yurgen Klopp, shuningdek, "Norvich"ning qanot himoyachisi Jamal Lyuisga ham qiziqmoqda. "Liverpul" Endi Robertsonning o‘rnini bosishi kutilayotgan futbolchi uchun 10 mln funt tayyorlab qo‘ygan.