«Бетис» ҳимоячиси Аисса Манди ва «Норвич» аъзоси Жамал Льюис фаолиятини "Ливерпул"да давом эттириши мумкин.

Liverpool Echo'нинг хабар беришича, "қизиллар"нинг 28 ёшли жазоирлик футболчи учун 9 миллион фунтлик дастлабки таклифи рад этилган. "Бетис" вакиллари эса Мандини ёзда қўйиб юборишга тайёр, аммо бунинг учун "Ливерпуль" 10,8 млн фунт тўлаши лозим. 

Манбага кўра, "қизиллар" Манди учун иккинчи таклифни тайёрламоқда. Манди Деян Ловреннинг ўрнига мўлжалланмоқда.

Юрген Клопп, шунингдек, "Норвич"нинг қанот ҳимоячиси Жамал Льюисга ҳам қизиқмоқда. "Ливерпуль" Энди Робертсоннинг ўрнини босиши кутилаётган футболчи учун 10 млн фунт тайёрлаб қўйган.