O‘zbekiston Superligasining iyul oyidagi eng yaxshilari e’lon qilindi.

O‘zbekiston Professional futbol ligasi tomonidan iyul oyida Superligada eng yaxshi o‘yin ko‘rsatgan futbolchi sifatida “Qo‘qon-1912” futbolchisi Murod Xolmuhammedov taqdirlanadigan bo‘ldi. Himoyachi ortda qolgan oyda 3 ta o‘yinda 2 ta gol kiritib, 1 ta golga asistentlik qilgan edi.

Shu bilan birga, Superligada “Iyul oyning eng yaxshi goli muallifi” ham aniqlandi. Unga ko‘ra, AGMK yarim himoyachisi Sanjar Tursunovning “Qo‘qon-1912” klubi darvozasiga kiritgan goli shu yo‘nalishda laureat bo‘ldi.

E’tiborlisi, oyning yana bir mukofoti AGMK klubi vakiliga nasib etdi. “Konchilar”ning iyul oyida o‘tkazgan 3 ta o‘yinda 2 ta g‘alaba, 1 ta durangga erishib, turnir jadvalida 2-o‘rinda borayotganligi uchun jamoa bosh murabbiyi Mirjalol Qosimov “Iyul oyining eng yaxshi murabbiyi” deya e’tirof etildi.

Jismoniy tarbiya va sport vazirligi
Matbuot xizmati