Ўзбекистон Суперлигасининг июль ойидаги энг яхшилари эълон қилинди.

Ўзбекистон Профессионал футбол лигаси томонидан июл ойида Суперлигада энг яхши ўйин кўрсатган футболчи сифатида “Қўқон-1912” футболчиси Мурод Холмуҳаммедов тақдирланадиган бўлди. Ҳимоячи ортда қолган ойда 3 та ўйинда 2 та гол киритиб, 1 та голга асистентлик қилган эди.

Шу билан бирга, Суперлигада “Июль ойнинг энг яхши голи муаллифи” ҳам аниқланди. Унга кўра, АГМК ярим ҳимоячиси Санжар Турсуновнинг “Қўқон-1912” клуби дарвозасига киритган голи шу йўналишда лауреат бўлди.

Эътиборлиси, ойнинг яна бир мукофоти АГМК клуби вакилига насиб этди. “Кончилар”нинг июль ойида ўтказган 3 та ўйинда 2 та ғалаба, 1 та дурангга эришиб, турнир жадвалида 2-ўринда бораётганлиги учун жамоа бош мураббийи Миржалол Қосимов “Июль ойининг энг яхши мураббийи” дея эътироф этилди.

Жисмоний тарбия ва спорт вазирлиги
Матбуот хизмати