«Yuventus» hujumchisi Krishtianu Ronaldu jamoa Yevropa chempionlar ligasidan chiqib ketganidan keyin muxlislarga murojaat yo‘lladi.

«Mavsum-2019/20 biz uchun odatdagidan ancha kech, ammo biz kutganimizdan erta yakunlandi. Endi esa mulohaza qiladigan, muvaffaqiyatsizlik sabablarini tahlil qiladigan payt keldi. Tanqidiy fikrlash — kuchli bo‘lishning yagona yo‘li. «Yuventus» kabi katta klub hamisha jahonda eng kuchli bo‘lish haqida o‘ylashi lozim. O‘zimizni dunyoning eng zo‘r va eng katta klub deb atash uchun esa shunga mos ishlashimiz kerak.

Murakkab yilda A seriyada navbatdagi g‘alabani qo‘lga kiritganimiz — faxrlanishga arziydigan holat. «Yuventus» safida 37ta gol va Portugaliya terma jamoasi tarkibida 11ta gol — menga kelajakka yangi ambisiyalar va ishtiyoq bilan qarashimga yordam beradi. Lekin muxlislar bizdan ko‘proq narsani talab qilishadi. Biz buni amalga oshirishimiz, bizga bo‘lgan yuqori ishonchni oqlashimiz kerak.

Oldimizdagi qisqa ta’til bizga kelajak uchun eng to‘g‘ri qaror qabul qilish hamda har doimgidanda kuchliroq bo‘lib qaytish imkonini beradi. Tez orada ko‘rishguncha!» — deya yozdi Ronaldu.

Eslatib o‘tamiz, biz necha soat ilgari «Yuventus» Maurisio Sarrini iste’foga chiqarib, Andrea Pirloni yangi murabbiy etib tayinladi.