AGMK bosh murabbiyi Mirjalol Qosimov "Lokomotiv"ga qarshi o‘yindan keyin quyidagi fikrlarni bildirib o‘tdi.

«Ikki xil taym ko‘rganimizga sabab, chempionat bir tekisda o‘tmayotgani, ikkinchi tomondan esa tarkibimizda ko‘plab futbolchilar kasal bo‘lib tuzalishganini keltirish mumkin. Shu bois barchaning jismoniy holati bir xil emas. Ba’zi kunlari 11-12 nafar futbolchi bilan mashg‘ulot olib bordik. Bugungi o‘yinda Vatsadze, Grigalashvili, Zonich, Tursunov asosiy tarkibga kiritilmadi. Abdurahimov bugun o‘zini yaxshi his qimagani bois birinchi taymda almashtirildi. Bunday katta tanaffuslarda yuzaga kelishi va to‘xtalishlarda qayta tayyorlanish qiyin. Endi 29 avgustgacha yana 3ta o‘yin bor. Kimdir tiklanadi, kimnidir esa jismoniy holatini yanada ko‘taramiz.

Jamoaning kayfiyati yaxshi. Birinchi taymda qo‘pol xato tufayli gol o‘tkazdik. Bu narsa istalgan futbolchi bilan sodir bo‘lishi mumkin. Tanaffusda ham yigitlarga alohida tayinladim, xato qilgan do‘stingiz uchun ham o‘ynanglar deb. Ikkinchi taymda yigitlar o‘zlari uchun ham, Dilshod uchun ham qo‘shimcha kuch bilan o‘ynashdi. Bu o‘z samarasini berdi»", -dedi murabiy.