АГМК бош мураббийи Миржалол Қосимов "Локомотив"га қарши ўйиндан кейин қуйидаги фикрларни билдириб ўтди.
«Икки хил тайм кўрганимизга сабаб, чемпионат бир текисда ўтмаётгани, иккинчи томондан эса таркибимизда кўплаб футболчилар касал бўлиб тузалишганини келтириш мумкин. Шу боис барчанинг жисмоний ҳолати бир хил эмас. Баъзи кунлари 11-12 нафар футболчи билан машғулот олиб бордик. Бугунги ўйинда Ватсадзе, Григалашвили, Зонич, Турсунов асосий таркибга киритилмади. Абдураҳимов бугун ўзини яхши ҳис қимагани боис биринчи таймда алмаштирилди. Бундай катта танаффусларда юзага келиши ва тўхталишларда қайта тайёрланиш қийин. Энди 29 августгача яна 3та ўйин бор. Кимдир тикланади, кимнидир эса жисмоний ҳолатини янада кўтарамиз.
Жамоанинг кайфияти яхши. Биринчи таймда қўпол хато туфайли гол ўтказдик. Бу нарса исталган футболчи билан содир бўлиши мумкин. Танаффусда ҳам йигитларга алоҳида тайинладим, хато қилган дўстингиз учун ҳам ўйнанглар деб. Иккинчи таймда йигитлар ўзлари учун ҳам, Дилшод учун ҳам қўшимча куч билан ўйнашди. Бу ўз самарасини берди»", -деди мурабий.
