Bugun bo‘lib o‘tadigan “Paxtakor” — “Lokomotiv” o‘yiniga “Lokomotiv” stadioni mezbonlik qiladi. Mazkur masala Coca Cola Superliga bosh murabbiylari ishtirokidagi yig‘ilishda ko‘tarilgan bo‘lib, bir ovozdan ma’qullangan.
O‘FA binosida bo‘lib o‘tgan yig‘ilishda O‘FA bosh kotibi, Faxriylar kengashi vakili, Terma jamoalar markazi mutaxassislari, “So‘g‘diyona”, “Qo‘qon-1912”, “Qizilqum”, “Paxtakor”, “Lokomotiv”, “Bunyodkor”, “Buxoro”, “Surxon” klublari bosh murabbiylari, shuningdek, qolgan klublar vakillari ishtirok etgandi. Unda oktyabr va noyabr oyidagi FIFA kunlarini to‘lig‘icha milliy terma jamoaga berish, murabbiylar kengashi a’zolarini saylash kabi masalalar qatorida, “Paxtakor” — “Lokomotiv” uchrashuvini TTZ dahasida joylashgan stadionga ko‘chirish masalasi ko‘rib chiqilgandi. Yig‘ilish ishtirokchilari bu masalaga qarshi emasliklarini ma’lum qilganlaridan so‘ng, O‘zPFL mazkur topshiriq ijrosini ta’minlash majburiyatini olgandi.
Uchrashuv avvaldan belgilab qo‘yilganidek 18:30 da start oladi.
