«Chelsi»ning 8 nafar o‘yinchisi mavsumoldi yig‘inida ishtirok etmayapti. Chunki ular koronavirus yuqtirgani sababli karantinga olinishdi. Buni jamoa rasmiy sayti xabar tarqatdi.
"The Telegraph" tarqatgan xabarga ko‘ra, Meyson Maunt, Temmi Abraxam, Kristian Pulishich va Fikayo Tomori karantinda o‘tirishibdi. Ular birgalikda Gresiyaning Mikonos orolida dam olishgan edi. Shuningdek, Jorjinyo, Ross Barkli, Emerson va Mishi Batshuayi ham jamoa safida mashg‘ulotlarda ishtirok etishmayapti.
«Chelsi» mazkur 8 futbolchidan qaysi biri koronavirusga chalinganini oshkor qilmadi. Manbaga ko‘ra esa ulardan 6 nafarida COVID-19 aniqlangan bo‘lsa, 2 nafari ular bilan muloqotda bo‘lgan.